Bu kənd təsərrüfatı mövsümünün əvvəlindən Rusiyadan buğda ixracının ümumi həcmi 11 faiz artaraq 40,85 milyon tona çatıb.
İqtisadiyyat.az xəbər evrir ki, bu barədə “Rusagrotrans” məlumat yayıb.
Mütəxəssislər əldə olunan rəqəmin rekord olduğunu açıqlayıblar.
Məlumata görə, ötən kənd təsərrüfatı mövsümünün eyni dövründə rusiyalı fermerlər xaricə ümumilikdə 36,65 milyon ton məhsul tədarük ediblər. Beləliklə, hazırkı nəticə 4,2 milyon daha yüksək olub.
Analitiklər əlavə edib ki, bu ilin mart ayının sonuna ölkədən 4,6 milyon ton buğda ixrac edilib.
Qeyd edək ki, bu ilin yanvar-fevral aylarında Azərbaycana 30,8 milyon ABŞ dolları dəyərində 134,8 min ton buğda idxal edilib. Ötən ilin eyni dövrü ilə müqayisədə ölkəyə idxal edilən buğdanın dəyəri 51 milyon dollar və ya 62,3%, həcmi isə 49,6 % azdır.
Gözəl Həşimova
