Rusiya Texnologiya Universitetinin alimləri təbii xlor əsasında xərçəngin diaqnostikası və müalicəsində kömək edə biləcək yeni dərman hazırlayıblar.
İqtisadiyyat.az bu barədə Rusiya mediasına istinadən xəbər verir.
Məlumata görə, kimya elmləri doktoru, professor Mixail Qrin bildirib ki, kimyaçılar radionuklidləri tutmaq və onları şişə ötürmək qabiliyyətinə malik yeni molekul tərtib ediblər.
Onun sözlərinə görə, bu, xərçəng hüceyrələrinin fəaliyyətinin pozulmasına və sonradan onların məhvinə səbəb olur. Professor qeyd edib ki, belə bir dərman vasitəsi ilə xəstəliyin diaqnozu da qoyula bilər:
"Bundan əlavə, bizim yaratdığımız dərman toksik deyil. Terapevtik dozadan 50 dəfə yüksək dozalardan istifadə edilən sınaqlar laboratoriya heyvanlarının ölümünə səbəb olmayıb", - deyə M.Qrin bildirib.
Alimlər yaxın vaxtlarda dərmanı Rusiya bazarına çıxarmağı planlaşdırırlar.
