Bu ilin yanvarında Rusiyadan Gürcüstana pul köçürmələrinin həcmi 67,6 milyon dollar təşkil edib. Bu da ötən ilin eyni dövrü ilə müqayisədə 3,9 dəfə azdır.

İqtisadiyyat.az xəbər verir ki, bu barədə Gürcüstan Milli Bankı məlumat yayıb.

“Ötən il Rusiyadan Gürcüstana 267,6 milyon dollar vəsait köçürülüb. Ötən ilin martından transferlərin həcmi azalmağa başlayıb, iyul ayından isə 100 milyon dollardan aşağı düşüb. Ümumilikdə yanvarda Gürcüstana 263,4 milyon dollar vəsait köçürülüb ki, bu da ötən ilin müvafiq dövrü ilə müqayisədə 40,8% azdır”, - deyə məlumatda qeyd olunub.

Gürcüstana pul köçürmələrinin həcminə görə Rusiya birinci yerdədir, onun payı 25,68% təşkil edir. İkinci yerdə İtaliyadır. Hesabat dövründə bu ölkədən Gürcüstana 44,16 milyon dollar daxil olub. ABŞ bu siyahıda üçüncü yerdədir. Bu ölkədən Gürcüstana 38 milyon dollar transfer edilib.