Rusiyanın Amur vilayətində yük qatarının 22 vaqonu relsdən çıxıb.

İqtisadiyyat.az xəbət verir ki, bu barədə Rusiya İstintaq Komitəsinin (İK) Nəqliyyat üzrə Şərq Regionlararası İstintaq İdarəsinin saytında məlumat verilib.

Hadisə yanvarın 18-nə keçən gecə Ciktanda və Taldan arasındakı ərazidə baş verib. Bu ərazidə qatarların hərəkəti müvəqqəti olaraq dayandırılıb. İdarədən verilən məlumata görə, hadisə nəticəsində xəsarət alan olmayıb. Ekoloji təhlükə yoxdur.

Hadisə ilə bağlı İstintaq Komitəsi tərəfindən dəmir yolu nəqliyyatının hərəkət təhlükəsizliyi və istismarı qaydalarının pozulması, ehtiyatsızlıqdan külli miqdarda ziyan vurulması faktı üzrə cinayət işi başlanıb.