Fevralda Rusiyada 56 148 yeni minik avtomobili satılıb ki, bu da bir ilin eyni ayı ilə müqayisədə 43,4 faiz azdır.
İqtisadiyyat.az bildirir ki, bir çox Qərb avtomobil istehsalçılarının bazarı tərk etməsi fonunda ruslar arasında ən populyarı yerli və Çin markalarının avtomobilləridir. Belə ki, bir ay ərzində Lada-nın satışları 13,6 faiz artıb, Çin avtomobillərinin satışında isə artım 50 faizi ötüb.
Alıcıları daha çox “Lada”, “Chery” və “Haval” avtomobilləri maraqlandırıb ki, bu da müvafiq olaraq 21 558, 6 833 və 5 039 ədəd civarında satılıb. Geely və Kia da müvafiq olaraq satışda liderlik ediblər.
İlin ilk iki ayının nəticələrinə görə, Rusiyada 101 379 avtomobil satılıb ki, bu da 2022-ci ilin eyni dövrü ilə müqayisədə 45,2 faiz azdır.
