Rusiya parlamentinin aşağı palatası Duma bu gün üçüncü və yekun oxunuşda məcburi genom qeydiyyatına alınmalı olan şəxslərin siyahısını əhəmiyyətli dərəcədə genişləndirən qanunu qəbul edib.
İqtisadiyyat.az xəbər verir ki, Dumada bu gün qəbul edilən qanuna əsasən, genom qeydiyyata alınmalı olan şəxslərin siyahısı əhəmiyyətli dərəcədə genişlənəcək, bura hər hansı cinayətə görə məhkum edilmiş və həbs cəzası çəkən şəxslər, hər hansı cinayəti törətməkdə şübhəli bilinən və təqsirləndirilən şəxslər, habelə inzibati məsuliyyətə cəlb olunan şəxslər daxil ediləcək.
Hazırda DNT testi yalnız ağır və çox ağır cinayətlərə, habelə cinsi məhrumiyyətlərə qarşı hər hansı cinayətə görə məhkum olunmuş şəxslər üçün mümkündür.
Rusiya hökumətinin təşəbbüsü ilə gündəmə gətirilən bu qanun fərdin və ya şəxsiyyəti məlum olmayan meyitin müəyyən DNT fraqmentləri haqqında şifrələnmiş məlumatları ehtiva edən biometrik fərdi məlumatlar olan “genom məlumatı” anlayışına da aydınlıq gətirir.
Yeni qanun həmçinin Rusiya İstintaq Komitəsinə məcburi dövlət genom qeydlərini aparmaq səlahiyyəti verir.
Xarici təcrübəyə istinad edərək, qanunun izahat yazısında bildirilir ki, DNT məlumat bazaları ölkənin ümumi əhalisinin genomu məlumatının ən azı 1 faizini ehtiva edərsə, effektiv işləməyə başlayır.
