İqtisadiyyat.az xəbər verir ki, bu barədə Tula vilayətinin qubernatoru Dmitri Milyaev öz teleqram kanalında yazıb.

O bildirib ki, Sovetskaya küçəsində yerləşən hərbi hospitalın binasında baş verən yanğının söndürülməsi üzrə işlər başa çatıb.

Yanvarın 13-ü günorta saatlarında çağırışçıların müalicə olunduğu hərbi hospitalda yanğın baş verib, 57 nəfər binadan təxliyə edilib, hadisə nəticəsində xəsarət alan olmayıb. Regional hökumətin mətbuat xidmətinin məlumatına görə, yanğının ilkin səbəbi elektrik naqillərinin nasazlığıdır. Yanğınsöndürənlər alovun qonşu tikililərə keçməsinin qarşısını ala biliblər.