Rusiya Federasiyasında bu ilin birinci yarısında "Lada" avtomobillərinin satışı 92,2% artaraq 143,6 minə çatıb.

İqtisadiyyat.az xəbər verir ki, bu barədə "AvtoVAZ"ın mətbuat xidməti məlumat yayıb..

Məlumata görə, iyunda şirkətin avtomobil satışı ötən ilin iyun ayı ilə müqayisədə 3,7 dəfə artaraq 27,8 minə yüksəlib.

Eyni zamanda, bu ilin iyun ayında “Avtovaz”ın istehsal həcmi 2022-ci ilin iyun ayı ilə müqayisədə 110,4% artaraq 15,4 min təşkil edib. Ümumilikdə 2023-cü ilin birinci yarısında ölkədə 135,3 min avtomobil istehsal edilib ki, bu da ötən ilin birinci yarısı ilə müqayisədə 48,7% çoxdur.