İqtisadiyyat.az xəbər verir ki, Rusiya XİN rəhbərinin müavini Andrey Rudenko Moskvadakı Pakistan və Hindistan səfirləri Məhəmməd Xalid Camali və Vinay Kumar ilə ayrı-ayrılıqda görüşlər keçirib.

Tərəflər ikitərəfli münasibətlərlə yanaşı, aprelin 22-də Kəşmirdə baş verən terror aktından sonra yaranan gərgin vəziyyəti də müzakirə ediblər.

Rusiya tərəfi iki ölkəni fikir ayrılıqlarını sülh yolu ilə həll etməyə çağırıb.

Qeyd edək ki, aprelin 22-də Hindistanın Pahalqam şəhərində baş verən terror aktı nəticəsində 26 nəfər həyatını itirib. Hücumdan sonra Hindistan və Pakistan arasında qarşılıqlı sanksiyalar tətbiq olunub, bu da gərginliyin daha da dərinləşməsinə səbəb olub.