Rusiya Federasiyasından bu ilin avqustun 31-dək şəkər ixracına qadağa qoyulub.
Bu barədə İqtisadiyyat.az “İnterfaks”a istinadən xəbər verir.
Məlumata görə, martın ortalarında Rusiya Kənd Təsərrüfatı Nazirliyi şəkərin ixracını qadağan edən layihə hazırlayıb.
Bildirilib ki, Rusiya şəkəri dünyada ən münasib qiymətli şəkərlərdən biridir və bu, dünya bazarında ona tələbatı stimullaşdırır. Hesabat dövründə daxili şəkər tədarükünün coğrafiyası xeyli genişlənib. Buna görə də ixrac məhdudlaşdırılıb.
Bu qərar qüvvəyə mindiyi gündən tətbiq olunur.
Qeyd edək ki, Rusiya ötən ilin avqustun 1-dən bu ilin fevral ayının sonuna kimi 700 min tondan çox şəkər ixrac edib ki, bu da ötən mövsümün eyni dövrü ilə müqayisədə 3,3 dəfə çoxdur.
Gözəl Həşimova
