Dünya ictimaiyyəti Qərb ölkələrinin makroiqtisadi siyasətindən və iqtisadi təzyiqlərindən narahatdır.

İqtisadiyyat.az xəbər verir ki, bunu Rusiyanın Çindəki səfiri İqor Morqulov Tsinxua Universitetində keçirilən Qlobal Sülh Forumunda BRİCS-in perspektivlərinə dair panel müzakirəsi zamanı deyib.

"Beynəlxalq ictimaiyyət Qərb elitasının daimi şantaj və təzyiqlərindən və yeni müstəmləkəçilik ambisiyalarından yorulub", - deyə diplomat qeyd edib.

O əlavə edib ki, bu səbəbdən də getdikcə daha çox dövlət ABŞ dollarından asılılığını azaldır, alternativ ödəniş sistemlərinə və ödənişlərə keçir. 

Morqulov qeyd edib ki, Qərb dövlətləri məsuliyyətsiz makroiqtisadi siyasət yürüdürlər, yəni nəzarətsiz pul yaradılması və təminatsız borcların yığılması kimi addımlar atırlar: "Nəticədə biz qlobal iqtisadiyyatın yavaşlamasını, artan işsizliyi, xammal çatışmazlığını, mövcud təchizat zəncirlərinin pozulmasını, ərzaq və enerji təhlükəsizliyi ilə bağlı problemlərlə qarşılaşırıq".