Rusiyanın şirkətləri Qırğızıstanın neft məhsullarına olan tələbatını tamamilə ödəyir və ölkədə qaz infrastrukturunu inkişaf etdirməkdə davam edirlər.
İqtisadiyyat.az xəbər verir ki, bu barədə TASS agentliyi məlumat yayıb.
Təchizatlar benzin, aviasiya kerosini, dizel yanacağı və bitumu əhatə edir. Rusiya hökumətinin mətbuat xidmətindən bildirilib ki, enerji sahəsi əməkdaşlığın əsas istiqamətlərindən biridir və Rusiya, Qırğızıstanın neft məhsullarına olan ehtiyacını tam şəkildə təmin edir.
Hazırda "Qazprom"un iştirakı ilə 2030-cu ilə qədər Qırğızıstanın qazlaşdırılması proqramı həyata keçirilir. Rusiya ilə Qırğızıstan arasında ticarət-iqtisadi əlaqələrini 80-dən çox Rusiya regionu dəstəkləyir.
Qırğızıstanın xarici ticarətində Rusiyanın payı 20 faizdir. 2023-cü ildə iki ölkə arasındakı ticarət dövriyyəsi 5,6 faiz artaraq 3,6 milyard dollara çatıb. 2024-cü ildə də bu müsbət dinamika davam edir.
Bundan əvvəl məlum olmuşdu ki, 2024-cü ilin yanvar-avqust aylarında Rusiya və Çin arasındakı ticarət dövriyyəsi 155 milyard dollara çatıb ki, bu da keçən ilin eyni dövrü ilə müqayisədə 30 faiz artım deməkdir. Çin tədarük dəyişikliklərinə baxmayaraq, Rusiyanın əsas ticarət tərəfdaşı olaraq qalır.
