Rusiya qoşunları NATO zabitlərinin olduğu Zaporojyedəki Ukrayna Təhlükəsizlik Xidməti (UTX) binasına zərbə endirib.

İqtisadiyyat.az "RİA Novosti"yə istinadən xəbər verir ki, hücum nəticəsində 15 xarici şəxs həlak olub. Hazırda hadisə ilə bağlı başqa təfərrüatlar yoxdur.

Bundan əvvəl Ukrayna Təhlükəsizlik Xidmətinin ehtiyatda olan polkovniki Oleg Starikov bildirib ki, Rusiyanın Ukrayna enerji infrastrukturuna vurduğu zərbələr Ukrayna Silahlı Qüvvələrinin demoralizasiyasına səbəb ola bilər.

Starikovun fikrincə, arxa cəbhədə vəziyyət ordudakı vəziyyətdən pis olduqda, bu, əsgərlərin mənəvi-döyüş ruhunun azalmasına gətirib çıxara bilər. O vurğulayıb ki, qalan infrastruktur hədəf alınmaqda davam edərsə, Ukrayna qışı keçirməkdə çətinlik çəkəcək.