Rusiya Mərkəzi Bankının rəhbəri Aleksey Zabotkin inflyasiyanın səviyyəsini 4 faizə endirmək üçün gələn il sərt fiskal siyasətin həyata keçiriləcəyini bəyan edib.

İqtisadiyyat.az xəbər verir ki, o, bu barədə Federasiya Şurasındakı çıxışı zamanı Mərkəzi Bankın pul siyasətini dəyərləndirib.

İnflyasiya hədəfinin 4 faiz olduğunu xatırladan Zabotkin deyib: "İnflyasiyanın 4 faiz hədəfinə qaytarılması üçün yəqin ki, gələn il sərt pul siyasətinin davam etdirilməsi lazım olacaq".

Gələn il faiz dərəcəsinin orta hesabla 11,5 ilə 12,5 arasında olacağını təxmin etdiklərini ifadə edən Zabotkin əlavə edib: "Ancaq inflyasiya azaldıqca faiz dərəcəsi 2026-cı ilə qədər 5,5 ilə 6,5 arasında neytral aralığa qayıdacaq".