İqtisadiyyat.az xəbər verir ki, bu barədə jurnalistlərə İranın Moskvadakı səfiri Kazem Cəlali məlumat verib.

Onun sözlərinə görə, layihənin həyata keçirilməsinə dair sazişin 2025-ci ilin martına qədər imzalanması planlaşdırılır:

"Yaxın vaxtlarda İran, Rusiya və Azərbaycanın xarici işlər nazirləri, nəqliyyat nazirləri, energetika nazirləri və gömrük xidmətləri rəhbərlərinin iştirakı ilə üçtərəfli görüş keçirməyi planlaşdırırıq".

Qeyd edək ki, 2023-cü il mayın 17-də Rusiya və İran Rəşt-Astara marşrutunun birgə tikintisinə dair saziş imzalayıblar. Layihənin həyata keçirilməsi üçün Moskva Tehrana 1,3 milyard avro hökumətlərarası kredit ayırır, tikintinin ümumi dəyəri isə 1,6 milyard avro olaraq qiymətləndirilir.

 

Gözəl Həşimova