Rusiya iqtisadiyyatı bu ilin yanvar-may ayları ərzində 0,6% böyüyüb.
İqtisadiyyat.az xəbər verir ki, bu barədə ölkənin Baş naziri Mixail Mişustin Rusiya prezidenti Vladimir Putinlə görüşündə bildirib.
Onun sözlərinə görə, Rusiya iqtisadiyyatı sanksiyalara baxmayaraq, sabit şəkildə bərpa olunur. Baş nazir Rusiya ÜDM-nin bu ilin sonuna kimi 2%-dən çox artacağını proqnozlaşdırır.
Əlavə edək ki, Qərb ölkələrinin hərtərəfli sanksiyaları səbəbilə Rusiya iqtisadiyyatı ötən il 2,1% kiçilib. Eyni zamanda, Dünya Bankı bu il Rusiya iqtisadiyyatının 0,2%, "Moodys" beynəlxalq reytinq agentliyi isə 3% kiçiləcəyini proqnozlaşdırır.