Rusiya-Gürcüstan sərhədinin Şimali Osetiya hissəsində yerləşən yeganə “Kazbegi-Verxniy Lars” keçid məntəqəsi pis hava şəraiti və qar uçqunu təhlükəsi səbəbindən qeyri-müəyyən müddətə bağlanıb.
İqtisadiyyat.az xəbər verir ki, bu barədə Gürcüstanın İqtisadiyyat və Davamlı İnkişaf Nazirliyi məlumat yayıb.
Məlumata görə, sərhədə doğru gedən yol boyu 600-800 avtomobil toplanıb. Üstəlik, polislər nəinki yük avtomobillərini, hətta piyadaları da keçid məntəqəsinə buraxmırlar.
Bildirilib ki, Gürcüstan hakimiyyəti yolu yalnız təhlükəsiz olduğuna əmin olduqdan sonra açmağı planlaşdırır.
Gözəl Həşimova