Bu ilin yanvar-may aylarında Rusiyadan Çinə neft tədarükünün həcmi illik müqayisədə 11% artaraq 46,7 milyon tona çatıb.

İqtisadiyyat.az xəbər verir ki, bu barədə Çin Xalq Respublikasının Baş Gömrük İdarəsinin dərc etdiyi məlumatda deyilir.

Hesabat dövründə Rusiya Çinə 27,8 milyard dollarlıq neft satıb. Beləliklə, Rusiya Çinə ən böyük neft ixracatçısı olaraq qalır.

Çinə ən böyük neft tədarükçüləri arasında ikinci yeri Səudiyyə Ərəbistanı (21,1 milyard dollar), üçüncü yeri İraq (15,6 milyard dollar) tutur.

 

Gözəl Həşimova