Rusiya hökuməti bu ilin dekabrın 1-dən 2024-cü il mayın 31-dək buğda məhsullarının ixracına qadağa qoyub. 

İqtisadiyyat.az xarici KİV-ə istinadən xəbər verir ki, bu addım ölkədə buğda məhsullarının qiymətlərinin sabitləşdirilməsi üçün atılıb.

Qeyd edilib ki, Rusiyada taxıl və unun bahalaşması ilə əlaqədar avqust ayında çörəyin qiymətində artım müşahidə olunub.

Rusiyanın Kənd Təsərrüfatı Nazirliyi isə ölkədə taxıl tədarükünün tələbi 85% üstələdiyini və qiymətlərin ötən illə müqayisədə aşağı olduğunu bildirib.