Rusiya Xarici İşlər Nazirliyi Moldovanın səfiri Lilian Dariusu Kişinyovun Rusiya diplomatik missiyasını ixtisar etmək qərarına görə çağırıb.
İqtisadiyyat.az bununla bağlı rus mediasına istinadən məlumat verir.
Dariusa xəbərdarlıq edilib və bildirilib ki, Rusiya asimmetrik tədbir olaraq bir sıra Moldova rəsmilərinin ölkəyə girişini qadağan edir. Lakin Xarici İşlər Nazirliyi həmin şəxslərin siyahısını təqdim etməyib.
Qeyd edək ki, iyulun 26-da Kişinyov Rusiya səfirliyinin 45 əməkdaşının ölkədən çıxarılmasını elan edib ki, bu da diplomatik missiyanın ştatının 70 nəfərdən 25 nəfərə qədər azalmasına gətirib çıxaracaq.
