Rusiya son zamanlar artan casusluq hallarının qarşısını almaq üçün "iPhone" və "iPad" istifadəsini qadağan edib.

İqtisadiyyat.az rus mediasına istinadən bildirir ki, bu barədə Rusiyanın rəqəmsal inkişaf, rabitə və kütləvi informasiya vasitələri naziri Maksut Şadayev açıqlama verib.

Nazirin sözlərinə görə, bu qadağa Rusiyanın daxili təhlükəsizlik xidməti olan "FSB"nin ABŞ-ın minlərlə "Apple" cihazını ələ keçirdiyini iddia etməsindən 2 ay sonra verilib:

"Smartfon və planşetlərdən biznes proqramları və "e-poçt" xidməti üçün istifadə olunması qadağan olunur. "iPhone" və "iPad"dan yalnız şəxsi ehtiyaclar üçün istifadəyə icazə veriləcək".

Qeyd edək ki, "Apple" 2022-ci ilin fevralında Moskvanın Ukraynaya on minlərlə əsgər göndərməsindən qısa müddət sonra Rusiyadakı bütün məhsul satışlarını dayandırmışdı və Rusiyada "Apple Pay" xidmətini məhdudlaşdırmışdı.

Gülşən Şərif