Rumıniya Hərbi Dəniz Qüvvələri aprelin 8-dən 21-dək 12 müttəfiq və tərəfdaş ölkənin iştirak etdiyi “Naval Shield 24” çoxmillətli hərbi təlim keçirəcək.
İqtisadiyyat.az xəbər verir ki, bu barədə Rumıniya Müdafiə Nazirliyi məlumat yayıb.
Xüsusilə Bolqarıstan, Fransa, Gürcüstan, Yunanıstan, İtaliya, Böyük Britaniya, Moldova, Hollandiya, Polşa, Portuqaliya, Türkiyə və ABŞ hərbi təlimlərdə iştirak edəcək.
Məlumata görə, 2200-dən çox hərbi qulluqçu və 135 texniki vasitə təlimdə iştirak edəcək.
Təlimlərdə qanunsuz fəaliyyətlə mübarizə, dənizdə qəza vəziyyətində olan gəminin xilas edilməsi, o cümlədən mühüm infrastruktur obyektlərinin təhlükəsizliyinin təmin edilməsi istiqamətində tapşırıqlar icra olunacaq.
Gözəl Həşimova
