"Mövsümü titulla başa vurmaq istəyirik"

Bu sözləri İqtisadiyyat.az-a müsahibəsində "Qəbələ" klubunun futbolçusu Rövlan Muradov deyib.

Sabah baş tutacaq Azərbaycan Kubokunun final matçı barədə danışan Rövlan Muradov şansların bərabər olduğunu bildirib:

"Şanslar məncə bərabərdir,  final oyunudur, yaxşı hazırlıq keçib, yüksək motivasiya ilə hazırlaşırıq. Maraqlı və gərgin oyun olacağına ümid edirem".

Gənc futbolçu "Neftçi" klubunun ən çox final oynayan komanda olmasından çəkinmədiklərini də deyib:

"Bu matç tam fərqli oyundur. Final oyunu, 1 oyundan ibarət, 90 va ya 120 dəqiqəlik oyundur. Bu oyuna həm komanda şəklində, həm də fərdi olaraq  hazırlaşmaq önəmlidir. İstək, motivasiya ve həyəcan bu oyunda maksimum olur. Ona görə bütün gücümüzü bu oyunda qoyub çempion olmaq istəyirik. Hər bir oyunçu da istəyər ki, mövsümü titulla  bitirsin. Ümid edirem sevinən tərəf biz olarıq"

Gələcək karyerasına da toxunan futbolçu, Avropada çıxış etmək istədiyini bildirib:

"Tam dəqiq söz deyə bilmərəm. Bu məsələlərlə menecerim  maraqlanır. Belə şifahi təkliflər var. Kontraktım bitir və istəyərəm ki, avropaya üz tutum. Bunu da zaman göstərəcək. Finaldan sonra bu haqda düşünəcəm".