İqtisadiyyat.az xəbər verir ki, bu barədə Rusiya Rəqəmsal İnkişaf Nazirliyi məlumat yayıb. 

“Şirkətin podratçısına məxsus şəxsi müştərilərin həssas fərdi məlumatlarına sızma olmayıb. Anonim mesajlarda qeyd edilən internet resursları fiziki şəxslərin xidmətinə yönəlməyib. Bu resurslarda fərdi məlumatlar saxlanılmır və emal olunmur”, - deyə məlumat bildirilib.

Yanvarın 14-də axşam saatlarında Rusiyanın internet sektoru (runet) miqyaslı, lakin nisbətən qısamüddətli pozuntu ilə üzləşib. Təxminən bir saat yarım ərzində bir çox saytlara giriş çətinləşib.

İstifadəçilər axtarış sistemlərinə, bankların, mobil operatorların, nəqliyyat şirkətlərinin saytlarına, eləcə də Twitch, TikTok və digər platformalara daxil ola bilmədiklərini bildiriblər. Bundan əlavə, messencerlərin düzgün işləməməsi və donması ilə bağlı şikayətlər də daxil olub.

Rusiyanın internet seqmentində yaranan nasazlığın rəsmi səbəbləri açıqlanmayıb.