Belçikalı hücumçu tezliklə Səudiyyə Ərəbistanı Liqasında çıxış edəcək ulduzlar sırasına qoşula bilər.

İqtisadiyyat.az xəbər verir ki, İstanbulda oynanılan Çempionlar Liqasının finalında qaçırtdığı qol epizodları ilə yadda qalan  Romelu Lukaku yeni mövsümdə Səudiyyə Ərəbistanı Liqasında meydana çıxa bilər. Kriştiano Ronaldo və Kərim Benzemanın bu ölkəyə transferindən sonra Səudiyyə Ərəbistanından cəlbedici transfer təklifi alan Lukaku, yeni mövsümdə "Çelsi"dən ayrılaraq Asiyaya yol ala bilər.

Mövsümü icarə əsasında "İnter"də keçirən Lukaku bazar ertəsi Səudiyyə Ərəbistanına səfər edərək "Əl-Hilal" klubunun rəsmiləri ilə görüşüb.

Səudiyyə klubu Lukakuya cəmi 50 milyon avro dəyərində iki mövsümlük müqavilə təklif edərkən, gözlər Maurisio Poçettinonun növbəti mövsümdə "Çelsi"də oynatmaq istədiyi Lukakuya yönəldi.

Karyerasını Səudiyyə Ərəbistanında davam etdirməyə kifayət qədər razı olan Lukaku Səudiyyə komandasından daha yüksək maaş tələb edəcək.

"Əl-Hilal" futbolçunu razı sala bilsə, "Çelsi" ilə əlaqə saxlayacaq və London komandası bu transfer üçün ən azı 50 milyon avro tələb edəcək. “Əl-Hilal” hələlik bu məbləği ödəməkdən çəkinsə də, iki komandanın ortaq nöqtədə görüşəcəyi gözlənilir.