Robotların 10 il ərzində insan başını başqasının bədəninə köçürə biləcəkləri iddia edilib.

İqtisadiyyat.az xəbər verir ki, bu barədə neyrologiya və biotibbi mühəndislik startapı "BrainBridge" məlumat yayıb.

Məlumata görə, bu inkişafın insan ömrünü uzadacaq nəticələri ola bilər. Bildirilib ki, süni intellekt və robotlardan istifadə edərək yüksək sürətli transplantasiya həyata keçirəcək yeni texnologiyalar hazırlanacaq.

Toxumaların pisləşməsinin qarşısını almaq üçün beyin nəqli həyata keçirməyi hədəfləyən layihələrdə sürət kritikdir.

"BrainBridge" metodu süni intellekt alqoritmləri ilə idarə olunan robotlar, donorun başını çıxararaq, digərinin başını onun bədəninə bağlayaraq yaddaşını və idrak bacarıqlarını qoruyub saxlamasını nəzərdə tutur.

Robotlar onurğa beynini, sinirləri və qan damarlarını birləşdirəcək. Beləliklə, xərçəng və iflicdən əziyyət çəkən xəstələrə yeni həyat təklif ediləcək.

 

Gözəl Həşimova