Bu barədə İqtisadiyyat.az Mərkəzə istinadən xəbər verir.
Belə ki, Respublika Olimpiya Mərkəzi "Bakı Atletika Mərkəzi" MMC-yə çevrildiyini elan edib.
Qeyd edək ki, Mərkəz 1982-ci ildən istifadədədir, 2007-ci ildə tam təmir olunaraq yenidən qurulub.
Ümumi ərazisi 0,22 hektar olan mərkəzin yüngül atletika manejinin uzunluğu 96 metr, eni isə 30 metrdir. Manejin ətrafında 6 qaçış zolağı olan yeni cığırlar (3 dairəvi və 3 düz) quraşdırılıb. Dairəvi zolaqlar müvafiq olaraq 200, 207 və 217 metrdir. Düz qaçış zolaqlarının uzunluğu 100 metrdir.
Manej həmçinin baryerlər, şüvüllə və hündürlüyə tullanma üçün müasir avadanlıqlarla təchiz olunub. Mərkəzin hava təmizləmə və işıqlandırma sistemləri yeni quraşdırılıb və müasir standartlara cavab verir.