Vaşinqton administrasiyası Ukraynada münaqişənin genişlənməsi ehtimalından ehtiyatlanır. 

İqtisadiyyat.az xəbər verir ki, bu sözləri jurnalistlər üçün onlayn brifinqdə ABŞ dövlət katibinin Avropa və Avrasiya məsələləri üzrə köməkçisinin birinci müavini Yuri Kim deyib.

O, Vaşinqtonun Ukraynadakı münaqişənin genişlənməsini və Moldovada hərbi əməliyyatların başlamasını mümkün hesab edib-etmədiyini, Avropa ölkələrində hakimiyyətə gələn sağçı tərəfdarların Kiyevə dəstəyindən Amerika tərəfinin təşvişə düşüb-düşməməsi sualına belə cavab verib: "Düşünürəm ki, biz hamımız amerikalı jurnalistlə bu yaxınlarda verdiyi müsahibəni görmüşük və ya eşitmişik. Bu müsahibədə Rusiya Prezidenti Vladimir Putin çox təmkinli şəkildə Polşaya və ya Litvaya girmək niyyətində olmadığını bildirib. Məncə, onun üçün də bunu xatırlamaq çox vacibdir".

"Siz soruşdunuz ki, biz narahat olub-olmadıq. Mən "narahat olmağı" düzgün söz deməzdim. Amma biz ehtiyatlıyıq", - Yuri Kim bildirib.