Ermənistan KTMT katibliyinə təşkilatın 2024-cü il büdcəsini imzalamayacağı barədə rəsmi məlumat verib.
İqtisadiyyat.az xəbər verir ki, bu barədə Respublika Xarici İşlər Nazirliyi yerli Factor.am portalının sorğusuna cavabında bildirib.
"Ermənistan Respublikası KTMT Katibliyinə təşkilatın "KTMT-nin 2024-cü il büdcəsi haqqında" qərarını imzalamaqdan və bu qərarda nəzərdə tutulan təşkilatın fəaliyyətinin maliyyələşdirilməsində iştirakdan imtina edəcəyi barədə rəsmi məlumat verib. Sözügedən qərarda nəzərdə tutulan maliyyələşdirmə ilə bağlı heç bir öhdəlik götürməyib", - Xarici İşlər Nazirliyindən bildirilib.
Bundan əvvəl Rusiya Xarici İşlər Nazirliyi bəyan etmişdi ki, İrəvan KTMT Nizamnaməsinə uyğun olaraq maliyyə öhdəliklərini yerinə yetirməyib.
