"Çeçenistan hər həftə deyil, hər gün xüsusi hərbi əməliyyat zonasına könüllülərlə dolu təyyarələr göndərməlidir".

İqtisadiyyat.az xəbər verir ki, bunu Çeçenstan rəhbəri Ramzan Kadırov Qudermes rayonunda xüsusi təyinatlı universitet binasına pilotsuz uçuş aparatı (PUA) hücumundan sonra çıxışında bildirib.

Kadırov könüllülərin sayını artırmağın vacibliyini vurğulayıb: “Çeçenistanla zarafat etmək olmaz. Mən həqiqi kişiləri torpağımızı, dövlətimizi, xalqımızı qorumaq üçün könüllü olaraq döyüşməyə çağırıram. Hər gün cəbhəyə təyyarələrimiz yola düşsün".

Buna qədər Kadırov çeçenlərə Ukrayna Silahlı Qüvvələrinin döyüşçülərini əsir götürməməyi və onları dərhal məhv etməyi əmr edib.