"Əgər biz istəyiriksə bir məşqçi, bir mütəxəssis ürəkdən işləsin, onun maaşını yetərincə verməliyik"

İqtisadiyyat.az xəbər verir ki, bu fikirləri İctimai TV-də yayımlanan "Sabaha Saxlamayaq" verilişində qonaq olan "Şamaxı" futbol klubunda çalışan məşqçi Ramiz Məmmədov səsləndirib. O, Azərbaycan futbolundakı əsas problemdən danışıb:

"Bizim əsas məqsədimiz futbolumuza qazandıracağımız uşaqlardır. Biz o uşaqları tapmalıyıq. Yerli məşqçilərimiz, hansı ki veteran futbolçular bu günləri 500-600 manat maaş alırlar. Əgər biz istəyiriksə bir mütəxəssis, bir məşqçi ürəkdən işləsin, onun maaşını yetərincə verməliyik. Bəzən olub ki, məşqçilər mənə müraciət ediblər ki, "Ramiz məllim, əlaqən varsa işdən sonra bir tikintidəmi, bir mühafizədəmi iş tapasınız ailəmizi dolandırmağa gəlir yeri olsun. Bu maaşla ailəmizi dolandıra bilmirik".