Panama iqtisadiyyatı quraqlıq səbəbilə 200 milyon dollar itirə bilər.

Bu barədə İqtisadiyyat.az "Bloomberg"ə istinadən xəbər verir.

Məlumata görə, rekord səviyyədə quraqlıq Mərkəzi Amerika ölkəsinə ciddi ziyan vurub. Çayların dayazlaşması səbəbindən Panama kanalında suyun səviyyəsi azalıb və bu da gəmilərin hərəkətinə təsir göstərib. Kanal administrasiyası Mərkəzi Amerika qovşağından keçə biləcək gəmilərin sayını 38-dən 32-yə qədər məhdudlaşdırıb.

Əlavə edək ki, ölkə kanaldan keçən gəmilərdən ildə təxminən 4,3 milyard dollar qazanır.

 

Gözəl Həşimova