Qlobal smartfon bazarı ötən ilin sonunda 8% artaraq 319,5 milyon ədədə çatıb
İqtisadiyyat.az xəbər verir ki, bu barədə "Canalys" analitik şirkətinin hesabatında deyilir.
Araşdırmaya görə, ötən il qlobal smartfon tədarükü 4% azalaraq 1,14 milyard ədəd təşkil edib. Lakin ekspertlər hesab edirlər ki, bu rəqəmlər stabilləşmə və bərpa əlamətlərindən xəbər verir.
Bazarın canlanmasında əsas amil kimi inkişaf etməkdə olan ölkələrin - Latın Amerikası, Afrika və Yaxın Şərqin bazarları göstərilib. Bununla belə, inkişaf etmiş ölkələrdə - Çin , Avropa, Şimali Amerikada istehlakçı xərclərinin azalması səbəbindən bazar hələ də problemlərlə üzləşir.
Analitiklər bu il inkişaf etməkdə olan bazarların əksər smartfon istehsalçıları üçün strateji döyüş meydanı olaraq qalacağını proqnozlaşdırıblar.
Ötən il "Apple" şirkəti 20% pay və 229,2 milyon cihaz tədarük etməklə lider mövqe tutub. Bu siyahıda "Samsung" ikinci, "Xiaomi" üçüncü yerdə qərarlaşıb.
Gözəl Həşimova
