Bu il qlobal qaz hasilatı ötən illə müqayisədə 2,8% artaraq 4,162 trilyon kubmetrə çata bilər.

İqtisadiyyat.az xəbər verir ki, bu barədə Qaz İxrac Edən Ölkələr Forumunun hesabatında deyilir.

Hesabata görə, artımın əhəmiyyətli hissəsi Müstəqil Dövlətlər Birliyi (MDB) ölkələrinin payına düşəcək. Belə ki, MDB ölkələrində bu il hasilat artımı 4%, Şimali Amerikada isə 2% təşkil edəcək.

Qeyd edək ki, ötən ay Azərbaycan 1 milyard 931 milyon kubmetr həcmində təbii qaz ixrac edib. Bu dövrdə Azərbaycandan ixrac edilən təbii qazın dəyəri isə 739,7 milyon ABŞ dolları təşkil edib.

 

Gözəl Həşimova