2023-cü ildə qlobal müdafiə xərcləri 10,4% artaraq ilk dəfə 2 trilyon dollar həddini keçib.
İqtisadiyyat.az xəbər verir ki, bu barədə Amerikanın müdafiə texnologiyaları konsaltinq şirkəti "Forecast International"ın hesabatında deyilir.
Məlumata görə, ən çox xərc artilleriya sistemləri və onlar üçün sursat, tanklar, zenit raketləri və pilotsuz təyyarələrin alınmasına düşüb.
Hərbi ehtiyaclara ayrılan xərclərin 2,12 trilyon dollara qədər artmasının səbəbləri arasında Ukrayna və Qəzza zolağındakı münaqişələr, Qırmızı dəniz regionunda vəziyyətin gərginləşməsi, habelə Avropa ölkələrində silahlı qüvvələrin modernləşdirilməsi kimi məsələlər var.
Analitiklər qlobal iqtisadiyyatın yavaşlamasına baxmayaraq, 2030-cu ilə qədər müdafiə xərclərinin daha da artacağını istisna etmirlər. Onların hesablamalarına görə, bu il dünya ölkələri hərbi məqsədlər üçün təxminən 2,25 trilyon dollar xərcləyəcək, 2028-ci ildə isə bu rəqəm 2,55 trilyon dollara yüksələcək.
Gözəl Həşimova
