Kriptovalyuta bazarı birinci rübdə güclü performans göstərib. Belə ki, qlobal kriptovalyuta bazarının dəyəri birinci rübdə 1 trilyon dollar artaraq 2 trilyon 660 milyard dollara çatıb.

Bu barədə İqtisadiyyat.az "Anadolu Agentliyi"nə istinadən xəbər verir.

Məlumata görə, qlobal bazarlarda əhəmiyyətli qazanc və itkilərə səbəb olan bitkoin, bu ilin ilk rübündə qiymət və bazar həcmi baxımından yüksələn bir performans nümayiş etdirib. "Coinmarketcap" şirkətinin məlumatına görə, 42.2 min dollardan satılan bitkoinin qiyməti bu ilin martın 31-ə təxminən 70% bahalaşaraq 69.6 min dollara yüksəlib.

Eyni zamanda, bazar dəyərinə görə 2-ci yerdə olan "Ethereum", bu ilin ilk rübündə 60% dəyər qazanıb.

 

Gözəl Həşimova