Ötən il 3,1% olan qlobal iqtisadi artımın bu il 2,9%-ə enəcəyi, gələn il isə yenidən 3%-ə yüksələcəyi proqnozlaşdırılır.

İqtisadiyyat.az xəbər verir ki, bu barədə İqtisadi Əməkdaşlıq və İnkişaf Təşkilatı (İƏİT) "İqtisadi Görünüş" hesabatında deyilir.

Məlumata görə, qlobal iqtisadi artım ötən il dayanıqlılıq göstərib və inflyasiya gözləniləndən daha sürətlə azalıb. Ötən il iqtisadi artım "G20" ölkələrində 3,3%, Avrozonada 0,5%, ABŞ-də isə 2,5% təşkil edib.

Bundan əlavə, Avropanın ən böyük iqtisadiyyatı Almaniyada 0,1% azalıb. 2023-cü ildə iqtisadi artım İngiltərədə 0,3%, Fransada 0,9%, Çində 5,2%, Hindistanda 6,7% , Türkiyədə isə 4,1% olub.

Qeyd edək ki, ötən il Azərbaycan iqtisadiyyatı 1,1% böyüyüb.

 

Gözəl Həşimova