Yaxın Şərqdəki münaqişələr, Rusiya-Ukrayna müharibəsi, Qərb-Çin münasibətlərinin soyuması ilə formalaşan geosiyasi gərginlik yüksək olaraq qalır.

İqtisadiyyat.az xəbər verir ki, bu barədə Beynəlxalq Maliyyə İnstitutunun hesabatında deyilir.

Məlumata görə, bu inkişaflar eyni vaxtda baş verir və qlobal iqtisadi mənzərədə qeyri-müəyyənlik yaradır.

Hesabata görə, qlobal iqtisadi artımın 2023-cü ildəki 3,1%-dən 2024 və 2025-ci illərdə 2,9%-ə enəcəyi proqnozlaşdırılır.

Qurum bildirib ki, noyabrda ABŞ-də keçiriləcək prezident seçkiləri qlobal miqyasda bu ilin ən mühüm siyasi hadisəsi kimi seçilir, çünki onun nəticəsi həm daxili, həm də beynəlxalq siyasətə təsir göstərə bilər.

Qeyd edilib ki, qlobal iqtisadi fəaliyyət ABŞ və Çin kimi əsas iqtisadiyyatların zəifləməsi ilə əlaqədar olaraq yavaşlayacaq.

 

Gözəl Həşimova