Yeddilik Qrupu (G7) ölkələri qlobal iqtisadi artım perspektivlərinin tarixi orta göstəricilərdən aşağıda qaldığını bildirib.

İqtisadiyyat.az xəbər verir ki, bu barədə "G7"nin maliyyə nazirləri və mərkəzi bank rəhbərlərinin Vaşinqtonda keçirilən görüşün yekunlarına dair birgə bəyanatında deyilir.

Məlumata görə, Ukrayna münaqişəsi və Yaxın Şərqdəki vəziyyətlə bağlı geosiyasi risklər ticarətə təsir göstərə bilər.

"Qlobal iqtisadiyyat son zamanlar baş verən çoxsaylı şoklara qarşı dayanıqlılıq nümayiş etdirib və risklər tarazlaşdırılıb. Bununla belə, artım perspektivləri tarixi orta göstəricilərdən aşağı olaraq qalır və bu, ölkələr və regionlar üzrə qeyri-bərabərdir", - sənəddə deyilir.

 

Gözəl Həşimova