Qlobal hərbi xərclər 2023-cü ildə rekord səviyyəyə - 2,44 milyon dollara çatıb.

İqtisadiyyat.az xəbər verir ki, bu barədə Stokholm Beynəlxalq Sülh Araşdırmaları İnstitutu bildirib.

Məlumata görə, ötən il dünyada hərbi xərclər illik müqayisədə 6,8% artıb. Bu, 2009-cu ildən bəri ən kəskin illik artımdır. Eyni zamanda, bu, ardıcıl olaraq doqquzuncu artımdır.

Hərbiyə ən çox pul xərcləyən 10 ölkə ABŞ, Çin, Rusiya, Hindistan, Səudiyyə Ərəbistanı, Böyük Britaniya, Almaniya, Ukrayna, Fransa və Yaponiya olub. ABŞ ötən il orduya 916 milyard dollar, Çin 296 milyard dollar, Rusiya isə 109 milyard dollar xərcləyib.

Hesabat dövründə Ukraynanın hərbi xərcləri Rusiyanın hərbi xərclərinin 59%-i qədər olub. Bununla belə, Ukrayna ötən il ABŞ-dən ən azı 35 milyard dollar hərbi yardım alıb.

Ötən il NATO üzvü olan 31 ölkə orduya 1,34 trilyon dollar xərcləyib ki, bu da dünya hərbi xərclərinin 55%-nə bərabərdir.

Yaxın Şərqdə proqnozlaşdırılan hərbi xərclər keçən il 9% artaraq 200 milyard dollara çatıb ki, bu da son on ildə müşahidə olunan ən yüksək illik artım olub. Bu dövrdə Türkiyənin hərbi xərcləri illik müqayisədə 37% artaraq 15,8 milyard dollara çatıb.

Gözəl Həşimova