Oktyabr ayında dünyada ərzaq qiymətləri ucuzlaşıb

İqtisadiyyat.az xəbər verir ki, bu barədə BMT-nin Ərzaq və Kənd Təsərrüfatı Təşkilatının (FAO) yaydığı bəyanatda deyilir.

FAO-nun ərzaq qiymətləri indeksi oktyabrda 120,6 bənd təşkil edib ki, bu da illik müqayisədə 10,9%, sentyabr ayı ilə müqayisədə isə 0,5% azdır.

Bu dövrdə taxılın qiymət indeksi 1% azalıb. Xüsusilə, dünya bazarında düyünün qiyməti 2%, buğdanın qiyməti isə 1,9% azalıb.

Qlobal bitki yağının qiyməti 0,7%, şəkərin qiyməti isə 2,2% azalıb. Bundan əlavə, dünyada ətin qiyməti 0,6% ucuzlaşıb.

 

Gözəl Həşimova