Ötən il dünyada elektrikli avtomobillərin satışı rekord səviyyəyə - 13,6 milyona yüksəlib.

Bu barədə İqtisadiyyat.az "Reuters"ə istinadən xəbər verir.

Məlumata görə, ötən il elektrikli avtomobillərin qlobal satışı 31% artıb. Bundan əlavə, ötən il dekabr ayında elektrikli avtomobillərin qlobal satışı aylıq 1,5 milyon ədədlə rekorda çatıb.

Elektrik və hibridlə işləyən avtomobillərin qlobal satışı isə azalıb.

Qeyd edək ki, ötən ilin yanvar-noyabr ayları ərzində Azərbaycana ümumilikdə 111 milyon dollar dəyərində 2 737 ədəd elektrikli avtomobil idxal olunub. 2022-ci eyni dövrü ilə müqayisədə ölkəyə idxal olunan elektromobillərin sayı 2328 ədəd və ya 6,7 dəfə artıb.

 

Gözəl Həşimova