Qlobal birbaşa xarici investisiyalar ötən il 7% azalaraq 1 trilyon 364 milyard dollara enib.

İqtisadiyyat.az xəbər verir ki, bu barədə İqtisadi İnkişaf və Əməkdaşlıq Təşkilatının (İƏİT) dərc etdiyi qlobal birbaşa xarici investisiya məlumatlarında deyilir.

Hesabata görə, qlobal birbaşa xarici investisiyalar keçən il azalma tendensiyasını davam etdirib və ardıcıl ikinci ildir ki, pandemiyadan əvvəlki səviyyədən aşağıda qalıb.

İnvestisiyaların azalmasının üçdə ikisindən çoxu İƏİT iqtisadiyyatları və digər ölkələrdə müşahidə olunub. Çində isə, xüsusən geosiyasi gərginlik və yüksək faiz dərəcələri səbəbindən rekord dərəcədə aşağı xarici investisiya qeydə alınıb.

İƏİT üzvü olmayan "G20" ölkələrinə birbaşa xarici investisiyalar keçən il 46% azalıb. Eniş meylinə baxmayaraq, keçən il ən çox birbaşa xarici investisiya cəlb edən üç ölkə ABŞ, Braziliya və Kanada olub.

 

Gözəl Həşimova