ABŞ iqtisadiyyatının tənəzzülü davam etməkdədir.

İqtisadiyyat.az dünya mediasına istinadən bildirir ki, ABŞ-ın 2 illik istiqraz faizi ilə 10 illik istiqraz gəliri arasındakı fərq təxminən 108 əsas bəndlə 1980-ci ildən bəri ən yüksək səviyyəyə çatıb. FED iki aktiv arasındakı gəlir fərqini tənəzzül göstəricisi kimi qəbul edib. Bununla yanaşı, 22 iyundan etibarən artan tənəzzül narahatlıqları davam edir. Ona görə də əksər ölkələr yeni qərarlar qəbul etməyə başlayıblar.

Belə ki, Səudiyə Ərəbistanı 1 milyon barellik tədarük ixtisarını avqust ayına qədər uzatmağa qərar verib. Rusiya gündəlik neft tədarükünü 500 min barel, Əlcəzair isə 200 min barel azaldacağını açıqlayıb. Digər tərəfdən, Avropa Mərkəzi Bankı (AMB) rəsmiləri inflyasiya ilə mübarizə çərçivəsində faiz artırmağa davam edəcəklərini vurğulayıblar. 

 Həmçinin bu gün Çin yarımkeçirici çiplərin istehsalında istifadə edilən qalium və germanium materiallarının ixracını məhdudlaşdırıb. Analitiklərə görə, Çinin bu addımı bölgədəki gərginliyi daha da artıra bilər. Çin və ABŞ arasında münasibətlər yenidən gərginləşərsə, aktiv qiymətlər daha da aşağı düşə bilər.