Dekabr ayından başlayaraq orqanizm daha həssas olur və zəifləyir. Bir-iki dəfə xəstəlik, virus keçirən insanın immuniteti isə daha da yüklənir. Rusiyalı həkim İqor Strokov bununla bağlı immun sistemi gücləndirən qidaları açıqlayıb.
İqtisadiyyat.az xəbər verir ki, ev şəraitində kalsiferol tərkibli balıq, xüsusən, okean, dəniz məhsulları, süd məhsulları, yumurta, bitki yağları qəbul etmək lazımdır. Həkimin fikrincə, ümumiyyətlə, əhali arasında kəskin D vitamini əskikliyi var. Eləcə də immuniteti gücləndirmək üçün vitamin C lazımdır. Gündəlik rasion canlı mikroorqanizmlərlə zəngin kefir, qatıq, yoqurtla bol olmalıdır.
Həkim, həmçinin bildirib ki, qədim zamanlarda insanlar yorğunluq zamanı immun sistemi gücləndirmək üçün bir sıra qida, giləmeyvə və bitkilərdən istifadə ediblər.
Sünbül, buğda cücərtisi sink, antioksidant və B qrup vitaminlə zəngindir.
İspanaq tərkibindəki fol turşusu (vitamin B9) ilə orqanizmdə yeni hüceyrələr yaranmasına və DNT-ni bərpa etməyə kömək edir. İspanağı çiy yemək lazımdır.
Brokkoli hüceyrələri, hətta xərçəngdən qoruyur. Qarnir kimi hər gün yemək olar.
Nar orqanizmi və qanı yeniləyir, ən güclü meyvədir.
Zəncəfilin özü, çayı antioksidant təsir edir. Eyni zamanda, orqanizmdə qoruyucu funksiya yerinə yetirir.