"Əfqanıstanın şimal bölgələrində terrorçu qrupların sayının artması Müstəqil Dövlətlər Birliyinə (MDB) üzv dövlətlərin cənub sərhədlərinin təhlükəsizliyi üçün risk yaradır".

İqtisadiyyat.az xəbər verir ki, bu barədə Qırğızıstan Dövlət Milli Təhlükəsizlik Komitəsinin rəhbəri Kamçıbek Taşiyev bildirib.

Onun sözlərinə görə, terrorçu qruplaşmalar yerləşdikləri yerdən asılı olmayaraq, demək olar ki, dünyanın bütün dövlətləri üçün təhlükə yaradırlar:

“Əfqanıstanın şimal əyalətində davam edən və MDB dövlətlərinin cənub sərhədlərinin bütövlüyünü təhdid edən həddə çatan terrorçuların cəmləşməsi prosesi bizim xüsusi xidmət orqanlarından xüsusi diqqət tələb edir. Bu gün terrorizm dövrümüzün ən aktual problemi və bütün beynəlxalq təhlükəsizlik sisteminin fəaliyyətinə təhlükə olaraq qalır və istənilən dövlət üçün real təhlükədir”.

 

Gözəl Həşimova