Qırğızıstanın ilk İT mərkəzi Cəlal-Abad şəhərində ölkə prezidenti Sadır Caparovun iştirakı ilə açılıb. 

İqtisadiyyat.az xəbər verir ki, bu barədə dövlət başçısının mətbuat xidməti məlumat yayıb.

"Qırğız Respublikasının Prezidenti Sadır Caparov bu gün, aprelin 12-də Cəlal-Abad vilayətinə işgüzar səfəri çərçivəsində Cəlal-Abad şəhərində yeni İT mərkəzinin açılışını edib", - məlumatda deyilir.

Qeyd edilib ki, Mərkəz dövlət-özəl tərəfdaşlığı əsasında yaradılıb. 2023-cü ilin mayında başlanan üçmərtəbəli innovasiya İT mərkəzinin tikintisi 100% tamamlanıb. Layihənin ümumi dəyəri 65,36 milyon som (təxminən 730 min dollar) təşkil edib. Yeni mərkəz həm uşaqlar, həm də böyüklər üçün proqramlaşdırmanı öyrədəcək.

"İT mərkəzini açan prezident qeyd edib ki, İT sektorunun inkişafı dövlət siyasətinin əsas prioritetlərindən biridir. O, Qırğızıstanın regionda informasiya texnologiyaları sahəsində lider olmaq üçün bütün lazımi resurslara malik olduğunu vurğulayıb", - mətbuat xidməti əlavə edib.