Qırğızıstan Prezidenti Sadır Japarov Azərbaycana dövlət səfərinə gələcək.

İqtisadiyyat.az xəbər verir ki, bu barədə Bişkekdə Qırğızıstanın Prezident Administrasiyasının Xarici siyasət şöbəsinin rəhbəri Muratbek Azımbakiyev deyib.

Onun sözlərinə görə, Prezidentin səfəri aprelin 24-25-ni əhatə edəcək.

Qeyd edilib ki, səfər zamanı Sadır Japarov Azərbaycan Prezidenti İlham Əliyevlə ikitərəfli danışıqlar aparacaq.

Dövlət başçıları, xüsusilə, ikitərəfli və çoxtərəfli əməkdaşlığın aktual məsələlərini, habelə gələcək inkişaf və səmərəli qarşılıqlı fəaliyyətin qurulması perspektivlərini müzakirə edəcəklər.

 

Gözəl Həşimova