İsrailin 7 aydan çoxdur hücum etdiyi Qəzza zolağında öldürülən Birləşmiş Millətlər Təşkilatı əməkdaşlarının sayı 188-ə yüksəlib.

İqtisadiyyat.az xəbər verir ki, bu barədə Birləşmiş Millətlər Təşkilatının (BMT) Yaxın Şərqdəki Fələstinli Qaçqınlara Yardım və İşlər üzrə Agentliyinin (UNRWA) hesabatında bildirilir. 

Qeyd edilib ki, İsrail ordusu Qəzza zolağında havadan, qurudan və dənizdən hücumlarını davam etdirir, daha çox mülki əhalinin ölümünə, infrastrukturun zədələnməsinə və fələstinlilərin köçməsinə səbəb olur.

Hesabatda 30 aprel-5 may tarixləri arasında UNRWA-nın daha 6 əməkdaşının həyatını itirdiyi, 7 oktyabr 2023-cü il tarixindən etibarən Qəzza zolağında öldürülən UNRWA işçilərinin sayının 188-ə yüksəldiyi vurğulanıb.