İqtisadiyyat.az xəbər verir ki, bu barədə Qətərin Baş naziri və Xarici işlər naziri Məhəmməd bin Əbdülrəhman Al Tani İranın xarici işlər naziri Abbas Əraqçi ilə telefon danışığı zamanı bildirib.

Qətər Xarici İşlər Nazirliyinin açıqlamasında qeyd olunur ki, danışıq zamanı tərəflər Yaxın Şərqdəki son hadisələri, xüsusən də İsrailin İrana hücumunu müzakirə ediblər.

Məhəmməd bin Əbdülrəhman Al Tani vurğulayıb:

“Qətər, həm regional, həm də beynəlxalq tərəfdaşları ilə birlikdə, İrana qarşı hücumun dərhal dayandırılması və bu hücumların regionun təhlükəsizliyi, sabitliyi və rifahı üçün fəlakətli nəticələrinin qarşısının alınması istiqamətində iş aparacaq”.